Islam say pehle Aurat ka maqam kya tha?

Aurat khuda ki barri barri nematon mein se aik bohat barri Nemat hai. Duniya ki abad kaari aur deendari mein mardon ke sath taqreeban barabar ki shareek hai. Mard ke dil ka sukoon’ Rooh ki raahat’ Zehan ka itminan’ badan ka chain hai. Aurat duniya ke khobsAurat chehra ki aik aankh hai. Agar Aurat nah hoti to duniya ki soAurat cani hoti.

Aurat Adam علیہ السلام o Hazrat Hawa ke siwa tamam insanon ki “Maan” hai. Es liye woh sab ke liye qabil ehtram hai. Es ka wujood insani tamaddun ke liye be had zaroori hai. Agar Aurat nah hoti to mardon ki zindagi jungli janwaron se bad tar hoti . Aurat bachpan mein bhai behnoon se mohabbat karti hai.

Shadi ke bad shohar se mohabbat karti hai. Maan ban kar apni aulaad se mohabbat karti hai. Es liye Aurat duniya mein piyar o mohabbat ka aik “Taaj Mehal” hai.

Aurat Islam se pehlay

Islam se pehlay Auraton ka haal bohat kharab tha. Duniya mein Auraton ki koi izzat o wuqat hi nahi thi. Mardon ki nazar mein is se ziyada Auraton ki koi hesiyat hi nahi thi ke woh mardon ki nafsaani khwahish poori karne ka aik “khilona” theen. Ouratain din raat mardon ki qisam qisam ki khidmat karti theen. Aur terhan terhan ke kamon se yahan tak keh dosaron ki mehnat mazdoori kar kay jo kuch kamatee theen woh bhi mardon ko day diya karti theen.

Magar zalim mard phir bhi un Auraton ki koi qader nahi karte they. Balkeh janwaron ki terhan un ko maartay they. Zara zara si baat par Auraton ke kaan naak waghera aaza kaat liya karte they aur kabhi qatal bhi kar daaltay they. Arab ke log larkiyon ko zindah dafan kar diya karte they aur baap ke marnay ke baad os ke larkay jis terhan baap ki jaedad aur samaan ke maalik ho jaya karte they.

Esi terhan apne baap ki biwion ke maalik ban jaya karte they aur un Auraton ko zabardasti londian bana kar rakh liya karte they. Ouraton ko un ke maan baap bhai behan ya shohar ki meeras mein se koi hissa nahi milta tha. Nah Auratain kisi cheez ki maalik hua karti theen.

Aurat aur oont ki mingniyan

Arab ke baaz qabeelon mein yeh zalimana dastoor tha keh bewa ho jaany ke baad Auraton ko ghar se bahar nikaal kar aik chootay se tang o tareek jhonparey mein aik saal tak qaid mein rakha jata tha. Woh jhonparey se bahar nahi nikal sakti theen. Nah ghusal karti theen nah kapray badal sakti theen. Khana pani aur apni saari zarurten isi jhonparey mein poori karti theen.

Bohat si Auratain to ghutt ghutt kar mar jati theen. Aur jo zindah bach jati theen to aik saal ke baad un ke anchal mein oont ki mingniyan daal di jati theen. Aur un ko majaboor kiya jata tha keh woh kisi janwar ke badan se apne badan ko ragare‫n. Phir saaray shehar ka isi ganday libaas mein chakkar lagayen aur idhar idhar oont ki mingniyan phenkti hui chalti rahen. Yeh is baat ka elaan hota tha keh un Auraton ki iddat khatam ho gayi hai.

Hindostan mein bewa Auraton say sulooq

Esi terhan ki doosri bhi terhan terhan ki kharab aur takleef deh rasmen theen. Jo ghareeb Auraton ke liye musibaton aur balaun ka paharr bani hui theen. Aur be chari museebat ki maari Auratain ghutt ghutt kar aur ro ro kar apni zindagi ke din guzarti theen. Hindostan mein to bewa Auraton ke sath aisay aisay dard naak zalimana sulooq kiye jatay they keh jin ko soch soch kar kaleja moun ko aa jata hai.

Hindu dharam mein har Aurat ke liye farz tha ke woh zindagi bhar qisam qisam ki khidmatain karkay “patti pooja”[1]Shohar ki pooja karti rahay aur shohar ki mout ke baad os ki “chitta” ki aag ke shulon par zindah late kar “satti” ho jaye yani shohar ki laash ke sath zindah Aurat bhi jal kar raakh ho jaye.

Gharz poori duniya mein be reham aur zalim mard Auraton par aisay aisay zulm o sitam ke paharr torte they ke un zalimon ki dastan sun kar aik dard mand insan ke seenay mein ranj o gham se dil tukre tukre ho jata hai. Un mazloom aur bay kas Auraton ki majboori o lachari ka yeh aalam tha keh samaaj mein nah Auraton ke koi haqooq they nah un ki mazlomiat par daad o faryaad ke liye kisi qanoon ka koi sahara tha. Hazaron baras tak yeh zulm o sitam ki maari Auratain apni is baykasi aur lachari par roti bilbilati aur ansoo bahati rahen.

Rehmat ka aftab

Magar duniya mein koi bhi un Auraton ke zakhamo par marham rakhnay wala aur un ki mazlomiat ke aansoun ko ponchaney wala dour dour tak nazar nahi aata tha. Nah duniya mein koi bhi un ke dukh dard ki faryaad suneney wala tha. Nah kisi ke dil mein un Auraton ke liye baal barabar bhi reham o karam ka koi jazba tha.

Auraton ke is haal e zaar par insaniyat ranj o gham se be chain aur be qarar thi. Magar is ke liye is ke siwa koi charah nahi tha keh woh rehmat e Khuda wandi ka intzaar karen keh Rab عزوجل ghaib se koi aisa samaan peda farma de keh achanak saari duniya mein aik anokha inqilab namodaar ho jaye. Aur lachaar Auraton ka sara dukh dard dour ho kar un ka bairra paar ho jaye. Chunancha Rehmat ka aftab jab tulu ho gaya to saari duniya naay achanak yeh mehsoos kiya keh

Jahan tareek tha’ zulmat kada tha’ sakht kala tha
koi parday se kya nikla keh ghar ghar mein ujala tha

To be continued….

Agar Aapko hamarai tehreer achi lagi to esy zarur apne chahne walon k sath share karen...
Share on Facebook
Facebook
Tweet about this on Twitter
Twitter
Share on LinkedIn
Linkedin
Share on Reddit
Reddit
Share on Tumblr
Tumblr
Digg this
Digg
Buffer this page
Buffer
Share on Yummly
Yummly
Email this to someone
email

Hawala Jaat   [ + ]

Ahsan Iqbal

About Ahsan Iqbal

Main ek blogger hon aur es website pe content share karta hon. Meri puri koshish hoti hai keh main aapko aesa content faraham karun jo parhne aur samajhne mein aasan ho. Es k elawa wo bilkul authentic ho. Es lye aap mery har article mein references zarur dekhen gay.

Leave a Reply

Please use your real name instead of you company name or keyword spam.