Huzoor Nabi e Rehmat ﷺ ke khasayel Hamida aur kamalaat ki tadaad o shumaar insan ki taqat se bahir hai. En kamalaat mein se har aik jahan alag topic bantaa hai. Wahen katib ko jamiat aur mukammal bayan karne se aajiz kar deta hai. Aap ﷺ ko tamam insanon mein se fazeelat rakhnay walon se bhi afzal qarar diya gaya aur phir fazilat waly logon yani Anbia e karaam ke silsila e Nabuwat par mohar laganay walay aakhri nabi bana kar bheja gaya.
Ab rehti duniya tak sika Aap ﷺ ka chalta rahay ga. Jis terhan Aap ﷺ ko nabi maney baghair koi musalman nahi ho sakta Esi terhan aap ko Khatamun Nabiyeen manay baghair bhi koi momin nahi ho sakta. Aap ﷺ ki khatam e nabuwat par Quran pak ki 200 se zayed ayatain aur senkron ahadees gawahi deti hain aur poori ummat ka is baat par ijma hai keh Aap ﷺ aakhri nabi ban kar tashreef laaye hain.
Aik Hadees pak zikar karta hon: Nabi e Kareem ﷺ ne irshad farmaya Anbia ki misaal os shakhs jaisi hai jis ne aik imarat taamer ki usay haseen o jameel aur kaamil banaya. Loog os imarat ke gird chakkar lagatay hain aur kehte hain hum ne es se khobsurat imarat pehlay nahi dekhi siwaye aik eent ( ki jagah ke jo khaali chorr di gayi thi ) aur Main woh eent hon. [1]Musnad Ahmed , Hadees 7020
Yani imarat e Anbia ki aakhri eent Nabi pak ﷺ hain keh jis ke baad kisi eent ki zaroorat baqi nahin hai.
Hai taaj tairay sar pay saja khatam e nabuwat ka
Ahmed ko –apne ishhq ka qatra karo ataa
Khatam e nabuwat par aik bohat barri Daleel
Quran pak mein Allah pak irshad farmata hai:
Hawala Jaat
