Ramzan Mubarak - Blessings of Ramadan Mubarak

Ramadan Mubarak – Blessings of Ramzan Mubarak

Ramadan Mubarak woh mukaram maheena hai jiski har gharri rehmat bhari hai. Is maheena mein ajar o sawab bahut hi barrh jata hai. Nafal ka sawab farz ke barabar aur farz ka sawab 70 gunna kar diya jata hai. Balkay iss mahinay mein to roza daar ka sona[1]Need bhi ibadat mein shumaar kiya jata hai.

Yeh woh ba barket maheena jis mein aik raat aisi bhi hai jo 1000 mahino se behtar hai, Iss mah e mubarak ke rozay Allah pak neh farz kiye aur iss ki raat mein qiyam sunnat hai, [2]Al Targheeb wat Tarheeb, Jild 2, Safha 55, Hadees 6 iss mah e mubarak ki aik khososiat yeh bhi hai keh Allah pak neh iss mein Quran e pak nazil fermaya hai.[3]Parah 2, Al-Baqarah 185

Aur Quran-e kareem mein sirf ramadan shareef hi ka naam liya gaya aur isi ke fazail bayan hue. Kisi doosray mahinay ka nah sarahatan naam hai nah aisay fazail.

Ramzan Kareem ka Naam

Islam mein har naam ki koi nah koi wajah hoti hai aur naam kaam ke mutabiq rakha jata hai. Yeh maheena dil ke gard o ghubar dho dalta hai aur is se Aamaal ki khaiti hari Bhari rehti hai. Iss mein musalman bhook pyaas bardasht karte hain aur yeh gunaaho ko jala dalta hai, iss liye isay ramadan kaha jata hai.

Yeh maheena sabar ka hai aur sabar ka sawab jannat hai aur yeh maheena musawat [4]Yani gham khuwari aur bhalai ka hai aur is mahinay mein Momin ka rizq barrha diya jata hai. Jo iss mein roza daar ko iftar karaye uss ke gunahon ke liye mughfirat hai aur uss ki gardan aag se azad kar di jaye gi. Aur iss iftar karanay walay ko waisa hi sawab miley ga jaissa roza rakhnay walay ko miley ga. Baghair iss ke ke uss ke ajar mein kuch kami ho.

Allah pak yeh sawab to uss[5]Shakhs ko day ga jo aik Ghoont dodh ya aik khajoor ya aik Ghoont pani se roza iftar kurwaye aur jis ne roza daar ko pait bhar kar khilaya, uss ko Allah pak Huzoor Nabi e kareem ﷺ ke hoz se pilaaye ga ke kabhi piyasa nah hoga. Yahan taq ke jannat mein dakhil hojaye.

Yeh woh mubarak maheena hai ke iss ka awwal[6]Ibtidayi 10 din Rehmat hai aur iss ka ost[7]Darmiyani 10 din mughfirat hai aur aakhir[8]Aakhri 10 din Jahannum se azaadi hai. Jo apne ghulam par iss mahinay mein takhfeef kare[9]Yani kaam kam le Allah pak ussay bakhash day ga aur Jahannum se azad farma dega. [10]Sahih ibn-e Khuzaima, Jild 3, Safha 1887

Ramadan mubarak ki Khasoosiyat

Har mahinay mein khaas tareekhen aur tarikhon mein bhi khaas waqt mein ibadat hoti hai. Magar mah e ramadan mein har din aur har waqt ibadat hoti hai.

Ramzan aik bhatti ki manind hai jaisay ke bhatti gannday lohay ko saaf aur saaf lohay ko machine ka purzah bana kar qeemti kar deti hai aur sonay ko zewar bana kar istemaal ke Laiq kar deti hai. Aisay hi mah e ramzan gunahgaaron ko pak karta aur naik logon ke darjay barhata hai.

Iss mahinay mein shab e qadar hai jo hazaar mahino se afzal hai. Isi mahinay ki aik khasiyat yeh bhi hai keh is mah mein iblees qaid kar liya jata hai aur dozakh ke darwazay band ho jatay hain jannat aarasta ki jati hai os ke darwazay khol diye jatay hain. Esi liye inn dinon mein nakiyon ki ziyadati aur gunahon ki kami hoti hai jo log gunah karte bhi hain woh nafs e amarah ya apne saathi shetan[11]Qareen ke behkanay se karte hain.

Mah e ramzan ke khanay peenay ka hisaab nahi. Es mah mein kharch karna Allah pak ki raah mein kharch karne ki terhan hai.[12]Al-Jaami As-Saghir, Safha 162, Hadees 2716 Aur yeh kharch karna jihad mein kharch karne ka darjah rakhta hai.[13]Tanbeeh ul Ghafileen, Safha 176

Bhalai hi bhalai

Poora ramzan khair hi khair hai din ka roza ho ya raat ka qiyam. Qayamat mein ramadan o quran roza daar ki shafaat karen ge keh ramadan to kahe ga, Mola e pak! main naay isay din mein khanay peenay se roka tha aur Quran arz kare ga keh ya Rab! عزوجل main naay isay raat mein tilawat o taraveeh ke zariye sonay se roka.

Ramadan shareef mein iftar aur sehri ke waqt dua qubool hoti hai. Yeh martaba kisi aur mahinay ko hasil nahi. Jo koi bandah is mah e mubarak ki kisi bhi raat mein namaz parhta hai to Allah pak uss ke har sajda ke badlay uss ke liye 1500 naikian likhta hai aur uss ke liye jannat mein surkh yaqoot[14]Ruby ka ghar banata hai. Jis mein 60,000 darwazay hon ge.Aur har darwazay ke pat sonay ke banay hon ge jin mein yaqoot e surkh jarray hon ge.

Aur jo koi mah e ramadan ka pehla roza rakhta hai to Allah pak mahinay ke aakhir din tak uss ke gunah maaf ferma deta hai, aur uss ke liye subah se shaam tak 70,000 FARISHTAY dua e mughfirat karte rehtay hain. Raat aur din mein jab bhi woh sajda karta hai uss ke har sajda ke badlay ussay jannat mein aik aisa darakht ataa kiya jata hai ke uss ke saaye mein ghoray sawaar 500 baras tak chalta rahay.[15]Shuab ul Iman, Jild 3, Safha 314, Hadees 3635

Gunahon ka Kaffara

Mah e ramadan aglay mah e ramadan tak gunahon ka kaffara hai jab tak ke kabirah gunaahon se bacha jaye.[16]Sahih Muslim, Safha 144, Hadees 233

Mah e ramadan mein aik din ka roza rakhna aik hazaar din ke rozon se afzal hai aur mah e ramadan mein aik martaba tasbeeh karna[17]Yani سبحٰن اللہ kehnay is mah ke ilawa aik hazaar martaba tasbeeh karne[18]Yani سبحٰن اللہ kehnay kehnay se afzal hai aur mah e ramadan mein aik rakat parhna ghair e ramadan ki aik hazaar rakaton se afzal hai. [19] الدر المنْثور،ج۱، ص۴۵۴

Jummah ki har har ghari mein 10,00,000 ki mughfirat

Agar mah e ramadan ke jummah ki baat karen to ”Allah pak mah e ramadan mein rozana iftar ke waqt 10,00,000 aisay gunahgaaron ko Jahannum se azad farmata hai jin par gunahon ki wajah se Jahannum wajib ho chuka tha, jabkay shab e jummah aur roz e jummah[20]Jumaraat ko ghuroob e aftaab se le kar jummah ko ghuroob aftaab tak ki har har ghari mein aisay das das laakh gunahgaaron ko jahanum se azad kiya jata hai jo azaab ke haqdaar qarar diye ja chukay hotay hain. [21]Kanz al-Ummal, Jild 8, Safha 223, Hadees 23716

Aur jab 29 raat hoti hai to mahinay bhar mein jitne azad kiye unn ke majmooa ke barabar uss aik raat mein azad farmata hai.[22]Kanz al-Ummal, Jild 8, Safha 219, Hadees 23702

Laakh ramadan ka sawab

“Jis ne makkah mukarmah mein mah e ramadan paaya aur roza rakha aur raat mein jitna muyassar aaya qiyam kiya to Allah pak uss ke liye aur jagah ke aik laakh ramadan ka sawab likhay ga aur har din aik ghulam azad karne ka sawab aur har raat aik ghulam azad karne ka sawab aur har roz jehaad mein ghoray par sawaar kar dainay ka sawab aur har din mein neki aur har raat mein neki likhay ga.”[23]Ibn e Majah, Jild 3, Safah 523, Hadees 3117

Mah e ramadan ke fazail se kutub e ahadees malaa maal hain. Ramzan mubarak mein iss qadar BARKATEN aur rahmaten hain ke hamaray piyare piyare Aaqa ﷺ nay yahan tak irshad farmaya, “Agar bandon ko maloom hota ke ramzan kya hai to meri ummat tamanna karti ke kash! poora saal ramadan hi ho.” [24]Sahih ibn-e Khuzaima, Jild 3, Safha 190, Hadees 1886

Hamari Ghaflat

Aap neh dekha ke Khuda e Pak عزوجل mah e ramadan ke qadar daano par kِis darjah meharban hai. Aur hum kis qader na qadray hain aur kis qader ghaflat mein doobe hue hain. Hamara Rab عزوجل hamein is mah e mubarak ki barket se kitna nawaz raha hai. Aur hum is qeemti mah aur babarkat waqt ko kis qader ghaflat o nadani mein guzaar dete hain. Awwal to roza rakhna kuja aur agar rakh bhi len to is ko filmen, daramay aur online video games khail kar bad nigahiyan kar kar ke zaya kar dete hain. Aur haath anay walay sawab ko kho dete hain.

Paish kardah riwayaton mein mah e ramadan ki kِis qadar azeem rehmaton aur barkaton ka zikar kiya gaya hai. Mah e ramadan ka qadar rozay rakh kar Allah pak ki riza hasil kar kay jannat ki abdi aur sarmadi naematain hasil karta hai. Aur na qadray is qeemti waqt ko ghaflat mein guzaar dete hain. Lehaza chahiye ke ramadan mein naik kaam kiye jayen aur gunahon se bacha jaye.

Allah pak hamaray haal e zaar par REHAM farmaiye. Aur hamari be hisaab mughfirat farmaiye. Allah pak se yeh bhi dua hai keh woh hamein is mubarak mah ki qader karne ki tofeeq ataa kare. Aur is qeemati waqt ko nakiyon mein guzaarne ki tofeeq ataa farmaiye. Aameeeeeeeeeeen

Sawab ki niyyat se share karte jaien...
Share on Facebook
Facebook
Tweet about this on Twitter
Twitter
Share on Reddit
Reddit
Share on LinkedIn
Linkedin
Share on Yummly
Yummly
Share on Tumblr
Tumblr
Buffer this page
Buffer
Digg this
Digg

Hawala Jaat   [ + ]

Article Writter By

Avatar

Ahsan Iqbal

Urdu zaban mein Islamic literature hasil karne ke liye hamari website visit karna mat bhulen. Main umeed karta hon ان شاء اللہ aapko hamari website zarur pasand aay gi. https://www.mazhab.pk

Write a Comment

Your email address will not be published. Required fields are marked *