Kaba shareef mein aag kab aur kis tarah lagi?

Jab hum nay “Eid ul Azha aur Hazrat Ibrahim ka qurbani ka waqia” bayan kiya to os mein hum kaba shareef mein aag lagne ka zikar kiya tha.

Kaba shareef mein aag lagnay aur us mein seeng jal janay kay ta’alluq say[1]“Sawanah-e-karbala” mein diye huway mazmoon ki Roshni mein arz hay: Nawasa-e-Rasool, Imam Aali Maqam Hazrat-e-Imam Hussain ki shahadat kay takreeban 2 saal baad Yazeed paleed nay muslim bin uqba ko 12 hazaar ya 20 hazaar sipaahiyon ki fouj day kar Madinat-ul-munawwarah per hamla karnay bhayja.

Zalim yazeediyon nay madinay shareef mein bay-inteha khoon rayzi ki. 7 hazaar Sahaba-e-kiram sameet 10 hazaar say zayada afraad ko shaheed kiya. Ahl-e-madinah kay ghar loot liye. Intehayi sharamnaak harkatayn ki, yahan tak kay masjid-e-Nabvi shareef kay satoonon[2]Pillars kay sath ghoray[3]Horses baandhay. Phir ye fouj makka shareef pohnchi. Minjneeq [4]Jo kay patthar phaynknay ka aala hota hai us kay zariye patthar barsaye. Is say haram shareef ka sayhn-e-mubarak pattharon say bhar gaya.

Jannati dumbay kay seeng

Masjid-ul-haram kay sutoon[5]Pillars shaheed ho gaye aur Kabat-ullah-Shareef kay ghilaf aur chhat mubarak ko in zalimon nay aag laga di. Kabat-ullah-shareef ki chhat mein hazrat- e-ismaeel kay fidyay mein qurban honay waly[6]Jannati dumbay kay jo mubarak seeng tabarruk kay taur per mehfooz thay wo bhi us aag mein jal gaye.

Jis roz yani 15 rabi-ul-awwal 64 hijri ko kaba shareef ki bay-hurmati hui thi us roz mulk-e-sham kay shahar “Himas” mein 39 saal ki umar mein Yazeed paleed mar gaya. Us bad-naseeb nay jis iqtedaar kay nashay mein bad-mast ho kar imam-e-Aali maqam Hazrat-e-Imam Hussain aur khandan-e-risalat kay mahaktay phoolon ko zameen-e-karbala per khak-o-khoon mein tarpaya. Makkay madinay walon per zulm-o-sitam ki aandhiyan chalayin. Us takhat-e-hukumat per usay sirf 3 baras 7 mah “shaytaniat” karnay ka moqa mila. Os ki mout mein kis qadar ibrat hay! Al-mout……

Na Yazeed ki wo jafa rahi, na shimar ka zulm-o-sitam raha
Jo raha tu naam-e-Hussain ka, jisay yad rakhti hay karbala

Hawala Jaat[+]

Agar Aapko hamarai tehreer achi lagi to esy zarur apne chahne walon k sath share karen...
Share on Facebook
Facebook
Tweet about this on Twitter
Twitter
Share on LinkedIn
Linkedin
Share on Reddit
Reddit
Share on Tumblr
Tumblr
Digg this
Digg
Buffer this page
Buffer
Share on Yummly
Yummly
Email this to someone
email
Ahsan Iqbal

About Ahsan Iqbal

Main ek blogger hon aur es website pe content share karta hon. Meri puri koshish hoti hai keh main aapko aesa content faraham karun jo parhne aur samajhne mein aasan ho. Es k elawa wo bilkul authentic ho. Es lye aap mery har article mein references zarur dekhen gay.

Leave a Reply

Please use your real name instead of you company name or keyword spam.